Прозорци со топлинска изолација

Нашиот дом е многу повеќе од само место за живеење. Тој е нашата лична оаза на мирот. Ова е местото каде што се релаксираме по долгиот ден на работа, ги полниме батериите и поминуваме пријатни вечери гледајќи телевизија со семејството. Но, ова чувство на дом не е нешто што се подразбира. Напротив: Само кога внатре ни е убаво, топло и пријатно, се чувствуваме целосно удобно – дури и во дождливите есенски попладневни часови или бурните зимски вечери. Покрај заштитата од насилно отварање и звучната изолација, топлинската изолација и енергетската ефикасност се особено важна тема кога станува збор за купувањето нови прозорци.

Бидејќи, едно е јасно: Не можете да сторите ништо против зголемените цени на енергијата, но можете да направите нешто против Вашата лична потрошувачка на енергија. Поради слабо изолираните прозорци, доаѓа до загуба на неискористената скапоцена енергија. А Вие, сепак мора да ја платите сметката за електрична енергија.

Топлината сега стана мало богатство. Добро загреаната дневна соба брзо ја зголемува сметката за енергија. Главен виновник за тоа: прозорците. Старите модели на прозорци со слаба изолација, го намалуваат буџетот за рекордно време. Но, не мора да биде така. Висококвалитетните прозорци со топлинска изолација, како што се прозорците SYNEGO и прозорците GENO од REHAU, го одржуваат домот топол без оптоварување на паричникот. Уште еден плус: Во жешките летни денови, стаклото со топлинска изолација ги одржува Вашите простории пријатно ладни. Но, што точно ги одликува паметните прозорци за заштеда на енергија и како ќе ги препознаете сигурните модели?

U-вредност, g-вредност на прозорците со топлинска изолација

U-вредност: Коефициент на пренос на топлина

U-вредноста, попозната како коефициент на пренос на топлина, овозможува да се извлечат сигурни заклучоци за топлинската изолација на прозорците. Како кај прозорците така и кај влезните врати тој ги определува вредностите на топлинската изолација. U-вредноста се состои од коефициентот на пренос на топлина на целиот прозорец – исто така попознат како Uw вредност (window) – и се состои од Ug-вредноста (glazing) на застаклувањето на прозорецот и Uf-вредноста (frame) на прозорската рамка.

Како основно правило важи следново: колку е пониска U-вредноста, толку се подобри изолациските својства.

Од 1 ноември 2020 година, Законот за енергија на зградите (GEG) на Сојузна Република Германија регулира кои енергетски барања треба да ги исполнуваат градбите. Претходно важеше регулативата за заштеда на енергија (EnEV). Новите монтирани прозорци според тоа веќе не смеат да ја пречекорат максималната вредност од 1,3 W/(m²K).

За ориентација:

Со помош на софистицирана дополнителна опрема, топлинската изолација може дополнително да се подобри. Особено специјалното застаклување со топлинска изолација дава придонес во одржливоста на поволната U-вредност. Можете дури и да ја оптимизирате Вашата топлинска изолација толку многу што Вашите четири ѕида во најдобар случај ќе ги исполнуваат стандардите за пасивна куќа и ќе имате право на субвенции за енергетски ефикасни прозорци

Прозорските стакла на прозорците за пасивни куќи овде достигнуваат вредности што се пониски од 0,8 W/(m²K). Прозорците GENEO од REHAU се достапни во верзија што е сертифицирана за пасивни куќи.

Иста релевантност како U-вредноста има g-вредноста, што исто така се нарекува степен на вкупен пренос на енергија. Тој дефинира колку сончева енергија може да помине низ проѕирните компоненти. На крајот на краиштата, низ застаклувањата не струи само светлина, туку и содржини на инфрацрвено и УВ-зрачење. Стандардно едно застаклување има g-вредност од прибл. 0,87, што значи дека може да влезе 87 % од енергијата што зрачи во просторот зад прозорското стакло – остатокот се рефлектира или го апсорбира стаклото. Наспроти тоа, тројното застаклување со топлинска изолација има g-вредност помеѓу 0,38 и 0,55.

Основно правило: Колку е поголема g-вредноста, толку повеќе сончево зрачење се ослободува преку застаклувањето на прозорците како топлина од зрачењето во внатрешноста на градбата. А колку е помала g-вредноста, толку е подобра енергетската ефикасност на прозорците со топлинска изолација.

За ориентација:

• Вид застаклување: Едно застаклување; g-вредност: 0,87
• Вид застаклување: Двојно застаклување; g-вредност: 0,78
• Вид застаклување: Тројно застаклување; g-вредност: 0,70
• Вид застаклување: Двојно застаклување со топлинска изолација (со аргонско полнење); g-вредност: 0,60 - 0,72
• Вид застаклување: Тројно застаклување со топлинска изолација (со аргонско полнење); g-вредност: 0,50 - 0,60
• Вид застаклување: Двојно застаклување со заштита од сонце (со аргонско полнење); g-вредност: 0,27 - 0,48
• Вид застаклување: Тројно застаклување со заштита од сонце (со аргонско полнење); g-вредност: 0,24

Следниве четири фактори одлучуваат за топлинската изолација на прозорците:

• Застаклување
• Полнење на гас
• Композит на рабовите
• Рамки

Застаклување

Бидејќи стаклото ја сочинува најголемата површина на прозорецот, може да се постигнат долготрајни, цврсти изолациски својства само со висококвалитетно застаклување. Според Законот за енергетика на градби (GEG), двојното застаклување е законски минимален услов. Со модерно тројно застаклување веќе може да се постигнат U-вредности, коиодговараат на стандардот за пасивна куќа.

Полнење со благородни гасови: аргон, криптон или ксенон

За просторот помеѓу единечните стакла, исто така наречен и меѓупростор на стаклата (SZR), се користи благороден гас како на пример аргон, криптон или ксенон, при што е можна и мешавина од различни гасови. Својствата на топлинска изолација на овие благородни гасови се уште поефикасни и поштедливи од воздухот како материјал за полнење. Покрај тоа, овие безбојни и без мирис полнења од аргон, криптон или ксенон ниту горат, ниту се запаливи и целосно се безопасни за луѓето – затоа без размислување може да се користат за монтажа на прозорци.

Композит на рабовите

Композитот на рабовите го поврзува прозорското стакло со прозорската рамка и со тоа спречува полнењето со гас од меѓупросторите на стаклото да побегне и да влезе воздух. Во денешно време често се користи композит на рабовите од вештачки материјал, бидејќи тоа не ја спроведува топлината толку брзо, па со тоа изолира подобро.

Прозорски рамки

За прозорци со топлинска изолација и одржливи прозорци може да се користат најразлични материјали. Сè поомилени стануваат економичните прозорци од вештачки материјали, благодарение на нивната огромна издржливост, минималниот напор за одржување, одличната отпорност на временските услови и извонредните вредности на звучна и топлинска изолација. Прозорските рамки SYNEGO од REHAU постигнуваат Uf-вредност до 0,94 W/(m²K). Рамката на прозорците GENEO постигнува дури и Uf-вредност до 0,79 W/(m²K) и со тоа ја намалува потрошувачката на енергија до 76 %.

Алфа и Омега кај прозорците од вештачки материјали е високата енергетска ефикасност. Секако, и стандардите за безбедност играат голема улога. Не е без причина што модерните прозорци сега се опремени со зголемена заштита од насилно отварање со цел ефикасно да го заштитат имотот од несакани натрапници.

Дома сакаме не само да ни биде топло и безбедно, туку исто така и тивко. Од добра причина: Бучавата брзо ќе го загрози нашето здравје. Доколку живееме во бучна средина, внатрешниот немир, недостатокот на концентрација и нарушувањата на сонот често се само прашање на време. Дотолку е поголема одговорноста кај нашите прозорци. Тие треба да не заштитат од бучава и студ. Не е залудно што експертите препорачуваат висококвалитетните прозорци да ги обединуваат топлинската и звучната изолација.

Висококвалитетните прозорци на REHAU, прилагодени на Вашите индивидуални желби и потреби, се грижат за поголема благосостојба во Вашите четири ѕида.

Со прозорските системи од REHAU, GENEO, SYNEGO и BRILLANT- и EURO DESIGN монтажата на прозорците е полесна од кога било. Ново откривање на прозорците – за животот денес и утре.

Со задоволство ќе Ве советуваме за можностите и ќе Ви креираме необврзувачка понуда за прозорци.

Модерните прозорци со топлинска изолација го спречуваат прекумерното бегање на енергијата од греење низ прозорските површини. Специјалната конструкција со повеќеслојно застаклување ја намалува размената на топлина и овозможува ниска U-вредност. Бидејќи старите прозорци може релативно лесно да се заменат со модерни прозорци, замената на прозорците е една од најефикасните мерки за зголемување на енергетската ефикасност на градбата. Со цел монтирањето на нови прозорци да биде поатрактивно за сопствениците на домовите, државата ја субвенционира мерката.