Паметно стакло: подобра заштита од сонце и визуелна заштита за Вашиот паметен дом

Големите прозорци или дури и комплетните стаклени фасади претставуваат јасен тренд во модерната архитектура. Повеќето луѓе го чувствуваат овој отворен дизајн како многу пријатен. Дополнително, ова води до голем продор на светлината, а со тоа и до светли простории преплавени со светлина – во комбинација со помала потрошувачка на електрична енергија, бидејќи често може да не се користат вештачки извори на светлина. Дополнително, модерните големи прозорци (како прозорците SYNEGO и прозорците GENEO од REHAU) може да ги намалат трошоците за греење, бидејќи во зима може да навлезе повеќе соларна светлина во просторите. Новите прозорци апсолутно ја намалуваат годишната потрошувачка на енергија, но големите прозорски површини сепак предизвикуваат и одредени проблеми.

Како прво, со нив е отежнато одржувањето на приватноста. Како второ, сончевите зраци во летните месеци често се преголеми. Ова доведува до непријатно високи температури или голема потрошувачка на електрична енергија поради работата на системот за климатизација. Паметното стакло – честопати се означува и како интелигентно стакло или „Smartglass“ (на герм. Smart-Glas) – сепак може да ги реши овие проблеми така што ова модерно затемнувачко застаклување да ја промени својата проѕирност преку електричен напон (електрохромизам), греење (термохромизам) или сончево зрачење (фотохромизам). Со Smart privacy од REHAU Вашите прозорци се ориентираат според Вашите желби.

Како за заштитата од сонце, така и за визуелната заштита, неопходно е да се намали преносот на светлината на прозорците. Класичното решение за ова е употребата на завеси, ролетни или плисирани ролетни. Притоа се користат непроѕирни материјали, кои истовремено ги спречуваат несаканите погледи и спречуваат продирање на сончевите зраци.

Наместо таквите надворешни уреди да се прикачуваат пред стаклото, можно е и директно да се интегрираат во окното. Ова обезбедува модерен и уреден впечаток. Меѓутоа, сега се појавува проблем, биејќи во повеќето случаи жителите сакаат пренос на светлина – а со тоа и отворениот впечаток и светлите простории. Само во некои ситуации тие сакаат да се заштитат од туѓите погледи или од сонцето. Од таа причина е важно да се користи паметно стакло. Тоа во нормален случај е целосно проѕирно и обезбедува отворен и светол ефект. Секако, по потреба е можно стаклата да се затемнат или да се дизајнираат непроѕирно. Зависно од изведбата, ова прилагодување се врши автоматски или со притискање на копче (како кај Smart privacy од REHAU, модерните прозорци со визуелна заштита за повеќе приватност и удобност во живеењето – исто така достапно и за влезни врати, балконски врати или врати од тераси).

Приватност со притискање за копче.

За поставување на модерно застаклување со интелигентни стакла може да се користат различни техники за поставување. Тие се разликуваат, не само во начинот на кој корисниците можат да ги контролираат, туку и  визуелните ефекти се сосема различни. Затоа е важно да се информирате прецизно за различните можности и потоа да изберете соодветен систем за паметен дом.

Стаклото, кое може да да биде контролирано, има разновидни можности на примена. На пример, често се користи во дневната соба. Со тоа се овозможува дизајнирање на овој простор со многу пространи предни прозорци. Во зима, ова обезбедува голем продор на светлина – речиси како во стакленик. Со ова се овозможува да поставите оаза на благосостојба и да уживате во зимата. Освен тоа, просторот се загрева благодарение на сончевите зраци. Ова ги намалува трошоците за греење и помага во заштедата на енергија. Во лето, големиот продор на светлината сепак доведува до силно затоплување на просторите. Доколку станарите користат систем за климатизација, тоа резултира со зголемени трошоци за електрична енергија, бидејќи системот треба да даде многу поголем учинок. Поради тоа, навистина е разумно да се инсталира интелигентен стаклен систем за прозорците во дневната соба. Ова го намалува продорот на светлина и на тој начин придонесува за пријатна клима за живеење.

Исто така и во бањата и спалната соба, паметните прозорци, наречени и „Smart Windows“ се многу омилени, особено прозорците во висина од подот до таванот. Секако, заштитата на приватноста тука најчесто има приоритет. Поради тоа се нудат изведби со изглед на матирано стакло (Smart privacy од REHAU). На овој начин, станарите уживаат добра заштита од погледи. Меѓутоа, во ситуации кога тоа не е потребно, ефектот може лесно да се деактивира. Прозорецот од бањата или прозорецот од спалната соба, исто така нудат добар поглед нанадвор.

Паметното стакло претставува релативно скапо решение. Поради тоа, важно е да се разгледаат и алтернативите на оваа техника. Една опција е да користите класичен уред за заштита од сонце, како што се ролетни, роло или завеса. Интересна опција претставува и променливата фолија за заштита од погледи. Таа нуди слична удобност во користењето како и паметното прозорско стакло со функција за заштита од погледи, но е значително поисплатлива.

Постојат и други видови функционални стакла, кои резултираат со извонредна удобност на живеењето и високо ниво на безбедност во Вашиот дом. На пример, можно е да се користи безбедносно стакло, кое ќе ги задржи натрапниците. За таа цел се нуди и алармно стакло, кое испраќа алармен сигнал во случај на обид за пробив. Исто така и употребата на стакло со топлинска изолација, стакло со звучна изолација или стакло за лесна нега, односно стакло, кое самото се чисти, нуди бројни предности и придонесува за удобно користење на просториите.

Висококвалитетните прозорци на REHAU, прилагодени на Вашите индивидуални желби и потреби, се грижат за поголема благосостојба во Вашите четири ѕида.

Со прозорските системи од REHAU, GENEO и SYNEGO, монтажата на прозорците е полесна од кога било. Ново откривање на прозорците – за животот денес и утре.

Со задоволство ќе Ве советуваме за можностите и ќе Ви креираме необврзувачка понуда за прозорци.